འགོ་བརྗོད། ཆོས་ལུགས་སམ་དད་མོས་རང་དབང་གི་སྦྱོང་ཚན་གླེང་སྟེགས་ཐོག་ཕེབས་པར་དགའ་བསུ་ཞུ། ​

CC0 Creative Commons Commercial use permitted

ཆོས་ལུགས་སམ་དད་མོས་རང་དབང་གི་སྦྱོང་ཚན་གླེང་སྟེགས་ངོས་ནས་སློབ་སྦྱོང་གི་སྦྱོང་ཚན་མཁོ་འདོན་བྱས་པའི་སྒོ་ནས་མི་སྒེར་དང་། ཚོགས་སྡེ། སྲིད་བྱུས་བཟོ་འགོད་པ་བཅས་མི་ཚང་མར་ཆོས་ལུགས་སམ་དད་མོས་རང་དབང་ཡོང་བར་ཤེས་རྟོགས་དང་བསམ་ཞིབ་བྱེད་རྒྱུའི་རོགས་ཕན་དང་སྐུལ་འདེད་གཏོང་གི་ཡོད། ང་ཚོས་མི་སྒེར་ལ་སློབ་སྦྱོང་གི་སྦྱོང་ཚན་མཁོ་འདོན་བྱེད་ཀྱི་ཡོད་ལ། དེ་བཞིན་སློབ་གསོ་གཏོང་མཁན་དང་ཕན་གྲོགས་བྱེད་མཁན་ཚོར་ཡང་ཚོ་ཆུང་ལ་ཟབ་སྦྱོང་སྤྲོད་ཆེད་བེད་སྤྱོད་བྱ་རྒྱུར་སྦྱོང་ཚན་མཁོ་འདོན་བྱེད་ཀྱི་ཡོད། ང་ཚོའི་སྦྱོང་ཚན་གྱི་ཡོང་ཁུངས་ལྟེ་བ་ནི་ཁྱད་མཁས་མི་སྣ་དང་། ཆོས་ལུགས་དང་དད་མོས་ཀྱི་རྒྱབ་ལྗོངས་སྣ་ཚོགས་ལྡན་པའི་མི་སྣ་དང་གོ་བསྡུར་བྱས་ནས་གསར་སྤེལ་བྱས་པ་ཞིག་ཡིན། 
ཤོག་ངོས་འདིར་ཁྱེད་ཀྱིས་ང་ཚོའི་ཆོས་ལུགས་སམ་ཡང་ན་དད་མོས་རང་དབང་སྐོར་ངོ་སྤྲོད་བྱས་པའི་གློག་བརྙན་ཁག་དང་། བོད་སྐད་ནང་སྤྱོད་ཆོག་པའི་ཡིག་ཐོག་གི་སྦྱོང་ཚན་མཁོ་སྤྲོད་བྱས་པ་བལྟ་ཐུབ། ད་དུང་གནས་ཚུལ་འཕར་མ་དགོས་ཚེ་ཨིན་ཡིག་གི་ངོས་ལ་ཕྱིར་ལོག་གནང་ན་ཁྱོད་རང་ལ་མཁོ་བའི་གློག་བརྙན་དང་། ཚོ་ཆུང་གི་སྦྱོང་བརྡར། སྙན་ཐོ། ཁྱོན་ཡོངས་ཀྱི་ལམ་སྟོན་ལྟ་བུ་གནས་ཚུལ་མང་པོ་མཐོང་ཐུབ།  
 

བདེ་འཇགས་ལ་དོ་སྣང་དགོས་པའི་གལ་ཆེའི་དོན་གནད།:

x

རྒྱལ་སྤྱིའི་ཁྲིམས་སྒྲིག་ཁག་གིས་འགན་སྲུང་བྱས་པའི་ཐོབ་ཐང་དེ་དག་ཁྱེད་རང་གིས་སྦྱོང་སྟེགས་འདིའི་ཐོག་ཡོད་པའི་རྒྱུ་ཆ་ཁག་བརྒྱུད་ནས་ཤེས་རྟོགས་ཡོང་རྒྱུ་རེད། རྒྱལ་སྤྱིའི་ཁྲིམས་སྒྲིག་ལྟར་ན། རྒྱལ་ཁབ་གང་ཞིག་དང་། ཚོགས་སྡེ་གང་ཞིག ཆོས་ལུགས་སམ་དད་མོས་ཀྱི་ཚོགས་པ། མི་སྒེར་སུ་ཞིག་གིས་ཀྱང་ཁྲིམས་ནས་སྤྲད་པའི་ཐོབ་ཐང་དེ་དག་འཕྲོག་མི་ཆོག འོན་ཀྱང་རྒྱལ་ཁབ་ཁ་ཤས་སུ་ཐོབ་ཐང་དེ་དག་སྤྱོད་པ་ནི་ཁྲིམས་དང་མི་མཐུན་པ་དང་ཡང་ན་ཉེན་ཁ་ཆེ་བའི་བྱ་བ་ཞིག་རེད། སྦྱོང་ཚན་མཁོ་འདོན་བྱས་པ་དེ་དག་བེད་སྤྱོད་གཏོང་སྐབས། གལ་གནད་ཆེ་བའི་གནད་དོན་ཞིག་ནི་ཁྲིམས་སྒྲིག་གང་དང་གང་ཁྱེད་རང་ལ་རན་མིན་དང་། རྒྱལ་སྤྱིའི་ཁྲིམས་སྒྲིག་དེ་དང་འབྲེལ་བ་ཇི་ཡོད་བསམ་ཞིབ་བྱེད་དགོས། མི་གཞན་ལ་སློབ་གསོ་གཏོང་བའི་ལས་དོན་སྤེལ་སྐབས། སྤྱིར་འགྲོ་བ་མིའི་ཐོབ་ཐང་སྐོར་དང་། ལྷག་པར་དུ་ཆོས་ལུགས་སམ་ཆོས་དད་རང་མོས་སྐོར་གླེང་བ་ནི་ཉེན་ཁ་ཡོད་པ་ཞིག་ཡིན་པ་དེ་དྲན་དགོས། རང་ཉིད་དང་གོ་རྟོགས་སྤེལ་ཡུལ་གཉིས་ཀ་དང་ཉེན་ཁའི་རྒྱུ་རྐྱེན་ཁག་ལ་བསམ་ཞིབ་བྱས་པའི་ཐོག་ནས་གོ་རྟོགས་སྤེལ་རྒྱུའི་གནས་ཚུལ་རྣམས་ལེགས་སྒྲིག་བྱེད་གལ་ཆེ། ང་ཚོས་གློག་བརྙན་གྱི་རྒྱབ་ལྗོངས་འགྲེལ་བརྗོད་ཁག་མཁོ་འདོན་བྱས་པ་འདིས་ཁྱེད་རང་གིས་འོས་འཚམ་གྱི་སྒོ་ནས་ནང་དོན་བཟོ་སྒྲིག་བྱེད་རྒྱུར་ཕན་ཐོགས་ཡོང་ངེས་རེད། 

ངོ་སྤྲོད་ཀྱི་སྦྱོང་ཚན་ཁག  ​

ངོ་སྤྲོད་ཀྱི་སློབ་སྦྱོང་ཚན་པར་གློག་བརྙན་དུམ་བུ་བརྒྱད་ཡོད་པ་དང་། དེས་ཁྱེད་རང་ལ་ཆོས་ལུགས་སམ་ཡང་ན་དད་མོས་རང་དབང་དང་འབྲེལ་བའི་ནང་དོན་ཤེས་པར་ཕན་གྲོགས་བྱེད་པ་དང་། ཆོས་ལུགས་སམ་ཡང་ན་དད་མོས་རང་དབང་ལ་ག་དུས་ཚོད་འཛིན་ནམ་ཚད་བཀག་བྱེད་ཆོག་མིན་དང་། དེ་བཞིན་འཛམ་གླིང་ས་ཕྱོགས་མང་པོའི་ནང་ཆོས་ལུགས་སམ་ཡང་ན་དད་མོས་རང་དབང་གི་གནས་ཚུལ་ཤེས་རྟོགས་བྱེད་ཐུབ། ཁྱེད་རང་གི་གློག་བརྙན་དེ་དག་བེད་སྤྱད་ནས་སོ་སོ་རང་ཉིད་སློབ་སྦྱོང་བྱེད་པའམ་ཡང་ན་ཚོ་ཆུང་གི་སྦྱོང་བརྡར་བྱས་ན་འགྲིག དེ་མིན་གློག་བརྙན་དེ་དག་གི་རྒྱབ་ཀྱི་འགྲེལ་བརྗོད་རྣམས་ཁྱེད་རང་གི་སོ་སོའི་གཏམ་བཤད་སོགས་ཀྱི་ནང་དོན་བཟོ་ཆེད་བེད་སྤྱད་བྱས་ནའང་འགྲིག་གི་རེད། ​ 

x

1. ཆོས་ལུགས་སམ་དད་མོས་རང་དབང་གི་ངོ་སྤྲོད།  
ཆོས་ལུགས་སམ་དད་མོས་རང་དབང་གིས་སུ་དང་ག་རེ་སྲུང་སྐྱོབ་བྱེད་ཀྱི་ཡོད་དམ། རྒྱལ་སྤྱིའི་སྤྱི་ཆིངས་ནང་ཅི་ཞིག་བཤད་ཡོད་པ་དང་། སྤྱི་ཆིངས་དེ་དག་ནང་ང་ཚོར་ཐོབ་ཐང་གང་སྤྲད་ཡོད་དམ།   

གློག་བརྙན་ཕབ་ལེན།     འགྲེལ་བརྗོད་མ་ཡིག་ཕབ་ལེན།

x

 2. ཆོས་ལུགས་སམ་དད་མོས་ཡོད་ཆོག་པའམ་བསྒྱུར་ཆོག་པའི་ཐོབ་ཐང་།  
སྲིད་གཞུང་དང་། ཆོས་ལུགས་གཙོ་འཛིན། ཁྱིམ་ཚང་གི་ནང་མི་བཅས་ལ་ཁྱོད་ཀྱི་ཆོས་ལུགས་དང་དད་མོས་ཀྱི་ཐོབ་ཐང་ལ་ཚོད་འཛིན་གྱིས་ཆོས་ལུགས་བསྒྱུར་བའམ་ཡང་ན་དེ་ལས་བྲལ་དུ་འཇུག་ཆོག་གམ། རྒྱལ་སྤྱིའི་འགྲོ་བ་མིའི་ཐོབ་ཐང་གི་ཁྲིམས་་ཡིག་ནང་གང་འཁོད་ཡོད་པ་དང་། དོན་དངོས་སུ་གནས་ཚུལ་ཅི་འདྲ་ཞིག་ཆགས་ཀྱི་ཡོད་དམ།  


​​གློག་བརྙན་ཕབ་ལེན།     འགྲེལ་བརྗོད་མ་ཡིག་ཕབ་ལེན།

x

3. ཆོས་ལུགས་སམ་དད་མོས་ཀྱི་ཐོབ་ཐང་ལོངས་སུ་སྤྱོད་པ།  
ཆོས་ལུགས་སམ་དད་མོས་ཇི་ཡོད་གསལ་སྟོན་དང་ཉམས་ལེན་བྱེད་པའི་ཐབས་ལམ་སྣ་ཚོགས་ཤིག་ཡོད། གང་ཞིག་འགྲོ་བ་མིའི་ཐོབ་ཐང་གི་སྲུང་སྐྱོབ་བྱས་ཡོད་པ་དང་གང་ཞིག་སྲུང་སྐྱོབ་བྱས་མེད་དམ། འཛམ་གླིང་ས་ཕྱོགས་གང་སར་ཆོས་ལུགས་སམ་དད་མོས་རང་དབང་ལ་བརྡལ་བཤིག་གང་འདྲ་གཏོང་གི་ཡོད་མིན་དཔེ་མཚོན་དང་སྦྲགས་ནས་ངོ་སྤྲོད་བྱས་ཡོད། 

​​གློག་བརྙན་ཕབ་ལེན།     འགྲེལ་བརྗོད་མ་ཡིག་ཕབ་ལེན།
​​

x

4. བཙན་དབང་ལས་སྲུང་སྐྱོབ་བྱེད་པ།  
བཙན་དབང་གི་དོན་ནི་དབང་ཤུགས་འོག་ནས་གནད་དོན་ཤོད་པའམ་བྱེད་དུ་བཅུག་པར་གོ་དགོས། གློག་བརྙན་འདིའི་ནང་ཆོས་ལུགས་དང་དད་མོས་རང་དབང་ཐད་བཙན་དབང་མི་བྱེད་པ་དང་སྤྱི་ཚོགས་ནང་བཙན་དབང་མི་ཡོང་བ་བྱེད་རྒྱུ་དེ་སྲིད་གཞུང་གི་འགན་དབང་ཡིན་པ་གསལ་སྟོན་བྱས་ཡོད། བཙན་དབང་གི་གནས་སྟངས་རིགས་གང་དང་གང་ཡོང་མིན་འཛམ་གླིང་ས་ཕྱོགས་གང་ས་ནས་དཔེ་མཚོན་འགོད་པའི་སྒོ་ནས་ངོ་སྤྲོད་བྱ་རྒྱུ་ཡིན།  

​​གློག་བརྙན་ཕབ་ལེན།     འགྲེལ་བརྗོད་མ་ཡིག་ཕབ་ལེན།

x

 5. མཐོང་ཆུང་ངམ་དབྱེ་འབྱེད་ལས་སྲུང་སྐྱོབ་བྱེད་པ། 
ཆོས་ལུགས་སམ་དད་མོས་གཞི་རྩར་བྱས་ནས་དབྱེ་འབྱེད་དང་མཐོང་ཆུང་བྱེད་པའི་རིགས་མི་ཆོག་པས་ན། སྲིད་གཞུང་གི་ངོས་ནས་སྤྱི་ཚོགས་ནང་མི་མང་རྣམས་ལ་མཐོང་ཆུང་ངམ་དབྱེད་འབྱེད་བྱེད་པ་ལས་སྲུང་སྐྱོབ་བྱེད་རྒྱུའི་འགན་དབང་ཡོད། མཐོང་ཆུང་གི་རིགས་གང་དང་གང་ཡོང་མིན་འཛམ་གླིང་ས་ཕྱོགས་གང་ས་ནས་དཔེ་མཚོན་བསྟན་པའི་སྒོ་ནས་ངོ་སྤྲོད་བྱ་རྒྱུ་ཡིན། 

​​​གློག་བརྙན་ཕབ་ལེན།     འགྲེལ་བརྗོད་མ་ཡིག་ཕབ་ལེན།

x

6. ཕ་མ་དང་བྱིས་པའི་ཐོབ་ཐང་།  
ཕ་མ་དང་བྱིས་པར་ཐོབ་ཐང་གང་དང་གང་ཡོད་དམ། འཛམ་གླིང་ས་ཕྱོགས་གང་ས་ནས་དཔེ་མཚོན་བསྟན་པའི་སྒོ་ནས་སྲིད་གཞུང་གིས་ཕ་མ་དང་བྱིས་པའི་ཐོབ་ཐང་བརྡལ་བཤིག་ཇི་ལྟར་གཏོང་བ་དང་། དེ་བཞིན་ཕ་མ་དང་བྱིས་པའི་ཐོབ་ཐང་སྐོར་གསལ་བཤད་བྱས་ཡོད། 

​​གློག་བརྙན་ཕབ་ལེན།     འགྲེལ་བརྗོད་མ་ཡིག་ཕབ་ལེན།

x

7. དད་སེམས་ལ་བརྟེན་ནས་དམག་ཞབས་དྭང་ལེན་མི་བྱེད་པ།  
རང་ཉིད་ཀྱིས་རྒྱུན་དུ་བསྒྲུབ་འདོད་པའི་བྱ་གཞག་ཁག་ཅིག་བསྒྲུབ་པར་དྭང་ལེན་མི་བྱེད་པའི་ཐོབ་ཐང་ཡོད། གང་ཡིན་ཟེར་ན་བྱ་གཞག་དེ་དག་ནི་རང་ཉིད་ཀྱི་གཏིང་ཟབ་པོའི་དད་མོས་དང་འགལ་ཟླར་གྱུར་གྱི་ཡོད་པས་ཡིན། འདི་ནི་ཆོས་ལུགས་སམ་ཡང་ན་དད་མོས་རང་དབང་ཁྲོད་སྲུང་སྐྱོབ་མི་ཐུབ་པའི་གནས་སྟངས་ཆེས་ཞན་ཤོས་ཤིག་ཡིན།  

​​གློག་བརྙན་ཕབ་ལེན།     འགྲེལ་བརྗོད་མ་ཡིག་ཕབ་ལེན།

x

8. ཆོས་ལུགས་སམ་དད་མོས་རང་དབང་ལ་ཚོད་འཛིན་ནམ་ཚད་བཀག  
སྲིད་གཞུང་མང་པོ་ཞིག་གིས་ཆོས་ལུགས་སམ་ཡང་ན་དད་མོས་རང་དབང་ལ་ཚོད་འཛིན་བྱེད་ཀྱི་ཡོད། འོན་ཀྱང་ཚོད་འཛིན་དེ་རིགས་ག་དུས་བྱེད་ན་ལུགས་མཐུན་ཡིན་པ་དང་། གནས་དུས་གང་ཞིག་ལ་བྱེད་ཆོག་མིན་ང་ཚོས་གང་འདྲ་བྱས་ནས་ཤེས་ཐུབ་བམ། ང་ཚོས་འགྲོ་བ་མིའི་ཐོབ་ཐང་སྤྱི་ཆིངས་ནང་གི་དོན་ཚན་ཁག་ལ་ཞིབ་ཚགས་པོ་བལྟས་ཏེ། ཆོས་ལུགས་སམ་དད་མོས་རང་དབང་ལག་བསྟར་བྱེད་སྐབས། དབང་འཛིན་པ་དང་ཁྲིམས་ཁང་ནས་བརྩི་སྲུང་བྱེད་དགོས་པའི་རྩ་འཛིན་ཁག་གསལ་སྟོན་བྱས་ཡོད། 

​​གློག་བརྙན་ཕབ་ལེན།     འགྲེལ་བརྗོད་མ་ཡིག་ཕབ་ལེན།

མདུན་ངོས་སུ་ཕྱིར་ལོག

ང་ཚོར་འབྲེལ་གཏུགས་བྱ་ཡུལ།
info@forb-learning.org