مذہب یا عقیدے کی آزادی کی سکھائی کے اس پلیٹ فارم پر خوش آمدید

CC0 Creative Commons Commercial use permitted

مذہب یا عقیدے کی آزادی کی سکھائی کے اس پلیٹ فارم پر افراد، کمیونیٹیوں اور فیصلہ سازوں کے لیے سیکھنے کے وسائل اور کورسز فراہم کیے گئے ہیں تاکہ وہ سب کے لیے مذہب یا عقیدے کی آزادی کے بارے میں سمجھ سکیں، غور کرسکیں اور ان کو فروغ دے سکیں۔ ہم ذاتی مطالعہ کے لیے اور معلمین اور سہولت کاروں کے لیے وسائل فراہم کرتے ہیں جنہیں وہ گروہی تربیت کے لیے استعمال کرتے ہیں۔ ہمارے بنیادی وسائل مذہب اور عقائد کا متنوع پس منظر رکھنے والے ماہرین اور اہم لوگوں کے ساتھ مکالمے کے ذریعے مرتب کیے گئے ہیں۔ 

​اس صفحے پر، آپ کو مذہب یا عقیدے کی آزادی کے بارے میں ہماری تعارفی فلموں کا پیکیج ان تحریری وسائل کے ساتھ ملے گا جو اردو میں دستیاب ہیں۔ اضافی معلومات کے لیے براہ کرم انگریزی کے صفحے پر واپس جائیں جہاں آپ کو بہت سے اضافی وسائل ملیں گے جیسے فلمیں، گروپ مشقیں، رپورٹس اور گائیڈ لائنز۔ 

اہم حفاظتی نوٹس

x

اس سکھائی پلیٹ فارم پر موجود وسائل اور مواد سے آپ جن حقوق کے بارے میں سیکھیں گے، یہ وہ حقوق ہیں جن کو بین الاقوامی قانون تحفظ دیتا ہے۔ بین الاقوامی قانون کے تحت، کوئی ریاست، تنطیم، مذہبی یا مسلکی کمیونٹی یا شخص، لوگوں سے یہ حقوق نہیں چھین سکتا۔ اس کے باوجود، بعض جگہ، کچھ قومی سیاق و سباق میں، ان حقوق کی پاسداری غیر قانونی یا خطرے سے بھرپور ہے۔ جب آپ یہ وسائل استعمال کریں، یہ جاننا اہم ہے کہ آپ کے علاقے میں کون سے قوانین نافذ ہوتے ہیں اور یہ سوچیں کہ یہ بین الاقوامی قانون سے کس طرح متعلق ہیں۔ جب دوسروں کو تعلیم دے رہے ہوں، تو یاد رکھیں کہ عام طور پر انسانی حقوق کے بارے میں بات کرنا اور خاص طور پر مذہب یا عقیدے کی آزادی کے بارے میں بات کرنا خطرناک ہوسکتا ہے۔ براہ کرم ان وسائل کو اپنے حاضرین کی ضرورت کے مطابق اور خطرے کے عوامل کو مدنظر رکھتے ہوئے موزوں بنائیں۔ ہم نے اپنی تمام فلموں کے سکرپٹ اس لیے فراہم کیے ہیں کہ آپ ان کے مندرجات کو اپنے لحاظ سے موزوں بنا سکیں۔​

تعارفی سکھائی پیکج

تعارفی سکھائی کے پیکیج میں آٹھ  فلمیں ہیں۔ ان کا مقصد آپ کی یہ سمجھنے میں مدد کرنا ہے کہ مذہب یا عقیدے کی آزادی سے کیا مراد ہے اور کب اسے محدود کیا جاسکتا ہے۔ اور اس کے ساتھ آپ کو دنیا کے مختلف حصوں میں مذہب یا عقیدے کی آزادی کی صورت حال کا ایک تعارف کرانا ہے۔ آپ ان فلموں کو اپنے ذاتی مطالعہ کے لیے بھی استعمال کرسکتے ہیں اور اپنی گروپ کی تربیت کے لیے بھی۔ آپ ان فلموں کے سکرپٹس کی مدد سے اپنی تقریر یا پریزنٹیشن کے مندرجات بھی تیار کرسکتے ہیں۔ 
​ 

x

1۔ مذہب یا عقیدے کی آزادی کا ایک تعارف
مذہب یا عقیدے کی آزادی سے کس کا تحفظ ہوتا ہے؟ بین الاقوامی کنونشنز کیا کہتے ہیں اور ہمیں کیا حقوق دیتے ہیں؟


​
سکرپٹ کو یہاں سے ڈاؤنلوڈ کریں              فلم کو یہاں سے ڈاؤنلوڈ کریں   

x

 2۔ اپنے مذہب یا عقیدے کو رکھنے یا بدلنے کا حق
کیا حکومتوں، مذہبی قائدین یا خاندان کے ارکان کو آپ کے مذہب یا عقیدہ رکھنے، بدلنے یا چھوڑنے کے حق کو محدود کرنے کا اختیار ہے؟ بین الاقوامی انسانی حقوق کیا کہتے ہیں، حقیقت میں کیا ہوتا ہے؟ 

​​
سکرپٹ کو یہاں سے ڈاؤنلوڈ کریں              فلم کو یہاں سے ڈاؤنلوڈ کریں   

x

3۔ مذہب یا عقیدے کے اظہار (عمل) کا حق
مذہب یا عقیدے کے اظہار یا اس پر عمل کے بے شمار طریقے ہیں۔ انسانی حقوق کس کا تحفظ کرتے ہیں اور کس کا نہیں؟ دنیا بھر سے اظہار کے حق کی خلاف ورزیوں کی مثالوں کے ساتھ۔ 

​​
سکرپٹ کو یہاں سے ڈاؤنلوڈ کریں              فلم کو یہاں سے ڈاؤنلوڈ کریں   

x

4۔ جبر سے تحفظ
جبر کا مطلب ہے کہ کچھ کہنے یا کرنے کے لیے زبردستی کرنا۔ اس فلم میں حکومت کے اس فرض کا جائزہ لیا گیا ہے کہ وہ مذہب یا عقیدے کے معاملات میں جبر یا زبردستی نہ کرے اور معاشرے میں جبر یا زبردستی سے آپ کو بچائے۔ دنیا بھر کی مثالوں سے جبر کی مختلف شکلوں کی وضاحت کی گئی ہے۔ 

​
سکرپٹ کو یہاں سے ڈاؤنلوڈ کریں              فلم کو یہاں سے ڈاؤنلوڈ کریں   

x

 5۔ امتیاز سے تحفظ
مذہب یا عقیدے کی بنیاد پر امتیاز کرنے پر پابندی ہے اور ریاستوں کی یہ ذمہ داری ہے کہ وہ لوگوں کو معاشرے میں امتیاز سے تحفظ دیں۔ دنیا بھر کی مثالوں سے امتیاز کی مختلف شکلوں کی وضاحت کی گئی ہے۔

​
سکرپٹ کو یہاں سے ڈاؤنلوڈ کریں              فلم کو یہاں سے ڈاؤنلوڈ کریں   
​

x

 6۔ والدین اور بچوں کے حقوق
والدین اور بچوں کے کیا حقوق ہیں؟ دنیا بھر سے مثالوں سے واضح ہوتا ہے کہ کیسے ریاستیں بچوں کے حقوق پامال کرتی ہیں اور والدین اور بچوں کے حقوق کے درمیان اعتدال کہاں ہے۔ 

​
سکرپٹ کو یہاں سے ڈاؤنلوڈ کریں              فلم کو یہاں سے ڈاؤنلوڈ کریں   

x

7۔ ضمیر کے مطابق انکار
یہ وہ حق ہے جس کے تحت آپ وہ کچھ کرنے سے انکار کرسکتے ہیں جس کے کرنے کی آپ سے توقع کی جاتی ہے لیکن جس کا کرنا آپ کے گہرے عقیدوں سے متصادم ہے۔ یہ مذہب یا عقیدے کی آزادی کا وہ عنصر ہے جس کا تحفظ سب سے کمزور ہے۔  

​​
سکرپٹ کو یہاں سے ڈاؤنلوڈ کریں              فلم کو یہاں سے ڈاؤنلوڈ کریں   

x

8۔ مذہب یا عقیدے کی آزادی کی حدود
بہت سی حکومتیں مذہب یا عقیدے کی آزادی کو محدود کرتی ہیں، لیکن ہمیں کیسے معلوم ہو کہ کب یہ حدود یا پابندیاں جائز ہیں جن کی اجازت دی گئی ہے اور کب نہیں؟ اس میں ان اصولوں پر ایک گہری نظر ڈالی گئی ہے جو انسانی حقوق کے کنونشنز میں دیے گئے ہیں اور جن کی پاسداری مذہب یا عقیدے کی آزادی کو نافذ کرتے ہوئے قانون سازوں اور عدالتوں کو کرنی چاہیے۔   

​
سکرپٹ کو یہاں سے ڈاؤنلوڈ کریں              فلم کو یہاں سے ڈاؤنلوڈ کریں   

پہلے صفحے پر واپس جائی

ساتھ دیں، رابطہ میں آئیں
info@forb-learning.org