دەربارەی ئێمە

دەربارەی ئێمە

ئێمە سەرچاوەی فێربوون دەستەبەر دەکەین، بۆ هاوکاریی کەسەکان بۆ فێربوون و بەهاپێدان و بەرەوپێشبردنی ئازادیی ئایین یان باوەڕ بۆ هەمووان.

چی؟

سەکۆی فێربوونی ئازادیی ئایین یان باوەڕ، کۆرس و سەرچاوەی فێربوون و بابەتی ڕاهێنان بۆ کەسەکان، ڕێکخراوەکان، کۆمەڵگاکان و بڕیاردەران، بێ بەرامبەر فەراهەم دەکات. ئەمەش سەرچاوەی گونجاو بۆ خوێندنی کەسیی، ڕاهێنانی کارمەندان و بۆ پەروەردەکاران و ڕاهێنەران دەگرێتەوە، تاوەکوو لەگەڵ گرووپی گەنجان و پێگەشتووان بەکاری بهێنن.
ئێمە بروامان بە چۆنایەتی و دەستڕاگەشتن هەیە. ئێمە بۆ دەستەبەرکردنی سەرچاوەکان بە چەندان زمان هەوڵدەدەین، هەروەها سەرچاوە سەرەکییەکانمان لە گفتوگۆ لەگەڵ پسپۆڕان و کەسانی پاڵپشت لە کۆمەڵێک پاشخانی ئایینیی و باوەڕییەوە، گەشەپێدراون.

بۆچی؟

پێشێلکردنی ئازادیی ئایین یان باوەڕ کاریگەریی وێرانکەری لەسەر کەسەکان، پێکهاتە و کۆمەڵگاکان هەیە. سەکۆی فێربوون ئامانجییەتی بەشداریی بونیادنانی کولتوورێکی کۆمەڵایەتی، سیاسیی و یاسایی ئازادیی ئایین یان باوەڕ بۆ هەمووان بکات، ئەمەش لەسەر ئاستی بنەرەتیی بۆ سەرەوە و لە سەرەوە بۆ خوارەوە.
ئاشتی، سەقامگیریی و گەشەسەندن لەسەر مافەکانی مرۆڤ بەندن، بەتایبەتی توانای ئێمە بۆ پێکەوە ژیان، پەسەندکردنی مافەکان بۆ هەمووان، ئەمە سەرباری قووڵترین جیاوازییەکانمان.

بۆ کێ؟

سەرچاوەکانی سەکۆی فێربوون بۆ چوارچێوەی بەرفراوان و بەشداربووی بەرفراوان سوودبەخشن.
• پەرلەمانتار، دیپلۆمات و پیشەگەری گەشەپێدان
• ئەو بەرپرسانەی لە داڕشتن و جێبەجێکردنی سیاسەتی گشتیدا بەرپرسیارن، لەوانەش، بەرپرسانی سیستمی دادوەریی وەک پۆلیس و پارێزەر و دادوەرەکان
• ئەندامان و سەرکردە دەستنیشانکراوەکانی کۆمەڵگا ئایینیی و باوەڕییەکان
• دامەزراوەی ڕاهێنان بۆ سەرکردە ئایینییەکان وەک خوێندنگەی ئایینی خوداناسیی
• ئەو دەزگا پەروەردەییانەی وانە دەڵێنەوە/ ئەو خوێندکارانەی مافەکانی مرۆڤ، دیموکراسیی، یاسا یان ئایین دەخوێنن.
• کارمەندانی ڕێکخراوە ناحکومییەکان و سەرکردە بازرگانەکان کە لەو چوارچێوانەدا کاردەکەن کە پێشێلکارییە گەورەکانی تێدا ڕوودەدات.
• کارمەندان لە چوارچێوەی مافەکانی مرۆڤ و ڕێکخراوەکانی ئازادیی ئایین یان باوەڕ
• میدیا

لەلایەن کێوە؟

سەکۆی فێربوونی ئازادیی ئایین یان باوەڕ دەستپێشخەرییەکی تۆڕی گشتگیری ئەوروپای باکوورە، لەمەڕ ئازادی ئایین یان باوەڕ، ئەمەش بە هاوبەشیی لەگەڵ کۆمەڵێک ڕێکخراوی عەلمانی و باوەڕمەند کە هەوڵدەدەن مافی مرۆڤ بۆ ئازادیی ئایین یان باوەڕ بۆ هەمووان بەرەوپێش ببەن، وەک لە مادەی ١٨ـی جاڕنامەی جیهانی مافەکانی مرۆڤ و پەیماننامەی نێودەوڵەتی مافە مەدەنیی و سیاسییەکاندا هاتووە.

زیاتر دەربارەی تۆڕی گشتگیری ئەوروپای باکوور، لەمەڕ ئازادی ئایین یان باوەڕ لە خوارەوەدا بدۆزەرەوە، ئێمە لەگەڵ کێ کاردەکەین، کێ ئامۆژگاریمان دەکات و کێ پاڵپشتی داراییمان دەکات.